‘Thyej akullin’ me stil në Single.al

Fillimi i bisedës gjatë njohjeve online mund të jetë një sfidë më vete për shumë persona, të cilët mundohen të gjejnë stilin dhe mënyrën e duhur. Jo më kot thonë që “fillimi i mirë është gjysma e punës” dhe një start pozitiv premton një bisedë interesante. Nga ana tjetër, nisja e bisedës në mënyrë bazike me një “Çkemi” të thatë, jo vetëm që nuk ju bën të dukeni të veçantë, por mund të ‘vulosë’ fatin e njohjes që në fillimet e saj.

Ndaj për ta nisur bisedën me këmbën e mbarë, ne kemi disa sugjerime për ju!

Jepini rëndësi interesave të tyre

“Vura re se i adhuron shëtitjet. A do të të pëqlente një shëtitje në natyrë këtë fundjavë?

“Shoh që futbolli hyn tek interesat e tua! A ekzistojnë me të vërtetë vajzat si ju?”

Gjeni të përbashkëta mes jush

“Më në fund dikush i apasionuar pas librave. A keni lexuar ndonjë vepër interesante kohët e fundit?”

“Metallica e organizon koncertin e radhës në Milano. Imagjino të jemi duke e ndjekur bashkë”

Përdorni Humorin

“Mos je gjë Google? Sepse tek ty gjej çdo gjë që kërkoj”

“A je magjistar? Sepse duke parë profilin tënd çdo gjë e keqe zhduket”

 Komplimentoni profilin e tyre

“Fotoja jote në Londër është më e bukura që kam parë në Single.al A je kthyer në Shqiperi?”

“A di ndonjë mënyrë si ta heq nga mendja shikimin e fotos tënde të profilit?”

Miksoni dy sugjerimet e fundit

Mos e vizito kurrë Parisin sepse me siguri do të të mbajnë në Luvër si vepër arti.

Ndërtoni skenare hipotetike

Nëse unë do isha një këngëtare e famshme dhe ti një kompozitor, çfarë projekti muzikor do më sugjeroje?

“Komplimente për trupin, por nëse unë do të isha instruktori yt do të të kisha dhënë më shumë ushtrime!”

Mbi të gjitha mos harroni të qëndroni vetvetja dhe të lini personalitetin tuaj të shkëlqejë. Në diskutimet e temave të ndryshme, bëni pyetje të shpeshta për të shprehur interesin tuaj real në lidhje me tematikat e rëndësishme. Mundohuni që të mos jeni shumë të vrazhdë dhe herë pas here përfshini humorin për ta zbutur dhe për ta bërë bisedën më të këndshme. Shpresojmë që këto këshilla t’ju ndihmojnë të keni një eksperiencë sa më pozitive në Single.al. Paçi fat…