Si të jesh më i suksesshëm në Single.al: Këshillat kryesore

Të bëhesh pjesë e Single.al është një hap i rëndësishëm drejt një historie të re dashurie, por për një eksperiencë të suksesshme, të duhet një profil i mirëorganizuar. Duke krijuar një profil tërheqës do të thotë të hedhësh një hap konkret drejt gjetjes së një partneri/ partnereje që përputhet më së miri me kërkesat e tua.

Më poshtë po rendisim disa nga këshillat më të vlefshme për një përvojë më të mirë në Single.al

Zgjidh fotot e duhura

Impakti i parë është thelbësor, ndaj zgjidh fotot më cilësore për të prezantuar më së miri veten në këtë platformë. Aparenca jote është elementi i parë që partneri/ partnerja i/e ardhshme vlerëson, ndaj mos i neglizho fotot. Përzgjidh foto të qarta dhe cilësore, ku shfaqet versioni yt më tërheqës. Gjithashtu, shmang fotot në grup, për të evituar konfuzionin.

Shfaq personalitetin tënd

Diversiteti dhe përfshirja e imazheve të ndryshme mund të tregojnë shumë për personalitetin tënd. Për shembull, imazhet e ndryshme, ku evidentohen hobit dhe pasionet e tua mund të jenë një tregues për personalitetin. Shumëllojshmëria e fotove është një tregues i interesave dhe stilit tënd të jetesës. Gjithashtu, personalitetin tënd ti e shfaq qartësisht përmes BIO-s dhe shpalosjes së qëllimeve, ku duhet të jesh sa më të drejtpërdrejtë.

Qëndro autentik

Sa i përket fotove, një tjetër këshillë e rëndësishme është mospërdorimi i fotove me shumë filtra, ose ato të vjetëruara. Për t’u paraqitur sa më mirë, nevojiten fotot e tua aktuale dhe cilësore, në mënyrë që të jesh edhe më shumë tërheqës/e.

Krijo një BIO bindëse

Biografia jote duhet të pasqyrojë në mënyrë të përmbledhur kush je dhe çfarë kërkon. Nëse dëshiron të gjesh gjysmën tënde më të mirë dhe të kesh një sërë të përbashkëtash me të, duhet të jesh sa më i sinqertë për interesat dhe vlerat që kërkon prej tij/saj. Kështu, do të jesh shumë herë më i prirur të tërheqësh individë me interesa të përbashkëta.

Tregohu i qartë me qëllimet e tua

Qëndro gjithmonë i hapur për atë çka kërkon nga një marrëdhënie. Nëse je në kërkim të një lidhjeje serioze, bëje të qartë tek qëllimet e tua. E njëjta gjë vlen edhe për ju që kërkoni takime të rastësishme, aventura, ose thjesht miq të rinj.

Duke krijuar një profil tërheqës në Single.al, ti do të shfaqësh versionin tënd më të mirë dhe rrjedhimisht do të kesh më shumë potencial për të krijuar njohje të reja. Ndaj, nëse dëshiron të jesh i suksesshëm, kushtoji profilit tënd rëndësinë e duhur. Paç fat…